Kosova synon “play off”-in, Foda publikon listën e lojtarëve

Kosova po përgatitet për dy ndeshje vendimtare që mund ta çojnë drejt historisë, me objektivin për të siguruar kualifikimin në fazën “play-off” të Botërorit 2026.

Trajneri Franco Foda ka publikuar listën me 28 futbollistë, ndërsa 11 të tjerë janë përfshirë në listën e zgjeruar.

Përfaqësuesja do të nisë grumbullimin më 10 nëntor, ndërsa ndeshja e parë zhvillohet në transfertë ndaj Sllovenisë më 15 nëntor, dhe tri ditë më vonë përballet me Zvicrën në stadiumin “Fadil Vokrri”.

Aktualisht, Kosova renditet në vend të dytë me 7 pikë në grup. Një barazim ndaj Sllovenisë do t’i mjaftonte për të siguruar kualifikimin në “play-off”.

Ekipi i Fodës synon të shënojë një arritje historike në garat eliminatore të Kupës së Botës.