Tension, protesta dhe karton i kuq! Skënderbeu pëson humbjen e parë

Skënderbeu ka pësuar humbjen e parë të sezonit në Kategorinë e Parë, duke u mundur 3-2 nga Kastrioti në transfertë, në ndeshjen e javës së nëntë.

Takimi u karakterizua nga tension i lartë dhe episode të diskutueshme. Në minutën e 23-të, arbitri akordoi një penallti për Skënderbeun pas një faulli ndaj Nasr, vendim që shkaktoi protesta nga lojtarët vendas.

Pjesa e parë u mbyll 2-1 për vendasit, ndërsa në të dytën krutanët shënuan edhe golin e tretë me penallti. Skënderbeu mbeti me dhjetë lojtarë pas ndëshkimit me të kuq të Shaqes për një sherr në mesfushë dhe megjithëse realizoi golin e dytë, nuk arriti të shmangte humbjen.

Pas këtij rezultati, Skënderbeu ruan kreun me 22 pikë, ndërsa Kastrioti renditet në vendet e fundit me 7 pikë.