Kriza ekonomike vazhdon te Barcelona

Barcelona ka akumuluar një borxh të konsiderueshëm prej 159 milionë eurosh. Gjigantët e La Liga-s ndanë rezultatet e tyre financiare me Asamblenë e Anëtarëve, dhe shifrat treguan se kriza ekonomike që ka pllakosur klubin gjatë viteve të fundit nuk po tregon shenja lehtësimi.

Edhe pse aksionerët miratuan raportin dhe buxhetin e ri të klubit blaugrana, u zbulua një borxh shqetësues, duke ngritur pikëpyetje të mëdha mbi qëndrueshmërinë afatgjatë të klubit, raportuan mediat spanjolle. Katalanasit duhet të paguajnë 140 milionë euro deri në fund të këtij sezoni, një rritje e ndjeshme nga 45 milionë euro që ishin të detyrueshme nën të njëjtën kategori sezonin e kaluar.

Gjigantët spanjollë shpenzuan gjithsej 150 milionë euro për Robert Lewandowski, Raphinha dhe Jules Kounde, dhe kanë shlyer më pak se gjysmën e asaj shume pas tre vjetësh.

Sipas raportit të fundit financiar, Barcelona ende i detyrohet:

• 42 milionë euro Leeds për transferimin e Raphinha-s;
• 25 milionë euro për lëvizjen e Kounde nga Sevilla;
• 10 milionë euro Bajernit pas nënshkrimit të Lewandowski-t.