Real Madrid bojkoton sërish ceremoninë e “Topit të Artë”

Për të dytin vit radhazi, klubi i Real Madrid ka vendosur të bojkotojë ceremoninë e “Topit të Artë”, që do të mbahet mbrëmjen e kësaj të hëne, 22 shtator, në Francë.

Ashtu si një vit më parë, drejtuesit e lartë madrilenë, kanë vendosur të mos marrin pjesë në një nga eventet më të rëndësishme, sa i përket çmimeve për lojtarët.

Këtë vit, Reali u ka dhënë leje lojtarëve, që në rast se dëshirojnë, mund të shkojnë në ceremoni, por jo me klubin.

Asnjë zyrtar i madrilenëve nuk do të jetë i pranishëm në ceremoninë e “Topit të Artë”.