Adrian Bajrami u largua për Zvicrën, Kumbulla: Secili bën zgjedhjet e veta

Mbrojtësi i Kombëtares, Marash Kumbulla, foli në konferencë për shtyp, në prag të ndeshjes miqësore me Gjibraltarin.

Futbollisti kuqezi u pyet për largimin e Adrian Bajramit te Zvicra, ndërsa tha se secili lojtar bën zgjedhjet e veta.

“Ekipi është mirë. Secili bën zgjedhjet e veta. Ne mendojmë më shumë për veten dhe për grupin që jemi këtu. Nuk do mendojmë asgjë për lojtarët që bëjnë zgjedhje tjetër.

I kemi parë videot e ndeshjeve për gabimet që kemi bërë. Duhet të përmirësojmë gabimet. Kemi punuar. E kemi mendjen te Gjibraltari dhe të shikojmë për ndeshjen me Letoninë.

Unë jam gati gjithmonë për Shqipërinë. Kombëtarja është e para e të gjithëve. Çdo lojtar dëshiron të luajë për Kombëtaren”, u shpreh Kumbulla.