Inter Miami përgatit rinovimin për Lionel Messi-n

Inter Miami nuk dëshiron ta humbasë Lionel Messi-n. Argjentinasi është futur në muajt e fundit të kontratës me skuadrën amerikane, e cila skadon në fund të këtij viti.

Megjithatë te Inter Miami do të përpiqen që ta mbajnë sulmuesin 38-vjeccar edhe për disa sezone të tjera. Drejtuesit po përgatisin një kontratë të re, ku Messi do të ketë mundësinë të vendosë vetë kushtet.

Messit mund t’i jepet e drejta të largohet kur ai të ketë dëshirë. Me këtë, tek Inter Miami shpresojnë ta bindin për të zgjatur kontratën edhe për tre vite të tjera.

Messi është pjesë e Inter Miami nga viti 2023, kur u bashkua nga PSG-ja dhe është kthyer në një pikë kyçe, brenda dhe jashtë fushe.