Interi i pari në renditjen sezonale te UEFA

Interi i Simone Inzaghit është i pari në renditjen sezonale të UEFA-s me 36750 pikë. Zikaltrit kanë arritur këtë rezultat falë paraqitjes mjaft të mirë në 13 ndeshjet evropiane të luajtura deri më tani.

Pas tyre pozicionohet Barcelona, ​​kundërshtari i saj në gjysmëfinale të Ligës së Kampionëve, me 36.250 pikë, e në vazhdim Arsenali, një tjetër skuadër ende në garë për trofeun europian, me 36.000 pikë.

Çdo ndeshje e fituar sjell 2 pikë, çdo barazim 1 pikë, ndërsa humbja asnjë. Për më tepër që ka pikë bonus bazuar në ecurinë pas raundit të parë.

Sa më shumë një ekip të përparojë në kompeticion, aq më shumë pikë fiton.