“Giro d’Italia” në Shqipëri, jehonë në mediat e huaja

Nisja e Giro d’Italia 2025 nga Shqipëria ka bërë jehonë në shumë mediat italiane, por edhe botërore.

“Gazzetta dello Sport” i kushtoi 2 faqe në numrin e së martës. “Një xhiro shqiponjash”, shkruan e përditshmja sportive e njohur.

Kjo gazetë citon Kryeministrin Edi Rama që thotë se është një nder që bota të shikojë vendin tonë të bukur.

Etapat që do të mbahen në Shqipëri cilësohen si të vështira nga Vincenzo Nibali, 2 herë kampion i aktivitetit.

Në mediat ndërkombëtare kujtohet që kjo është hera e 15 që Giro d’Italia nis jashtë territorit të vendit prej vitit 1965, ku mikpritësi i parë ishte San Marino.