Lewandowski: Nuk e di përse nuk ma dhanë “Topin e Artë”, futbolli është si politika

Robert Lewandowski ishte një nga favoritët absolutë për ta fituar “Topin e Artë” në vitin 2020, megjithatë nuk e mori dot. Shkak për këtë, u bë anulimi i ceremonisë për dhënien e çmimit, për shkak të pandemisë.

Polakut i ka mbetur peng ai sezon, ndërsa ende vazhdon të mos e kuptojë përse nuk e mori “Topin e Artë”. Duke folur për këtë, sulmuesi deklaroi se nuk e kuptoi anulimin e dhënies së çmimit, duke shtuar se futbolli është si politika ndonjëherë.

Ndër të tjera, polaku tha se do e pranonte si çmim edhe nëse ia japin 4 vite më vonë.