Formula 1/ Hamilton shkëlqen në provat e lira me Mercedesin

Mercedesi ishte “flakë” në seancën e provave të lira që mbyllën edhe ditën e parë të sezonit të ri për Formula 1 2024.

Hamilton arriti performancën më të mirë në Bahrein, duke mbyllur xhiron pas një minute, 30 sekonda dhe 374 të mijta përpara se të niste provat e ritmit të garës.

Koha e dytë më e mirë për makinën tjetër të Mercedes, atë të drejtuar nga George Russel, që ishte vetëm 206 të mijtat prapa yllit Hamilton.

Fernando Alonso konfirmon gjendjen e mirë të Aston Martin duke përfunduar podiumin virtual me 286 të mijta nga kreu, teksa pas tij u rendit piloti i Ferrarit, Carlos Sainz, i katërit, 395 të mijtat më ngadalë se Hamilton.

Nico Hulkenberg dhe Lance Stroll bëjnë një hap të mirë përpara dhe i paraprijnë pilotit tjetër të Ferrarit, Charles Leclerc, ndërsa Sergio Perez vulos dhjetëshen e parë në renditje.

Seanca e tretë e provave të lira dhe provat zyrtare do të zhvillohen të premten, ndërsa Çmimi i Madh i Bahreinit është planifikuar për të shtunën në orën 16:00.