Berati plot me ngjyra! Çdo natë, banesat e lagjes Kala mbushen me personazhet e fëmijëve

Këtë fundviti, Berati është shndërruar në një qytet festiv.

Projektorët shumëngjyrëshe i kanë dhënë një pamje mahnitëse shtëpive karakteristike të qytetin e vjetër.

Qyteti i një mbi një dritareve është ndër destinacionet përfaqësuese turistike të shqipërisë gjatë cdo kërkimi në internet. Asnjë turist nuk e shmang gjatë udhëtimit nëpër Shqipëri, ndaj ditë e natë qyteti është plot.

“Jam nga Anglia. Është shumë këndshëm këtu. Qyteti reflekton shpirtin e krishtlindjes. Në Shqipëri s’kisha qenë kurrë, është hera e parë. Por këtu më pëlqen ushqimi dhe shpirti festiv”, tha një turist.

Për festën e ndërrimit të viteve, Berati ka të prenotuar 90 për qind të hoteleve dhe lokaleve.