Kjo është vila e sapoblerë e Chiara Ferragnit

Influencuesja Chiara Ferragni ka bërë realitet ëndrrën e saj dhe në rrjetet sociale ka treguar disa pamje nga rezidenca e re familjare, pak larg nga ajo e George Clooney.

Chiara Ferragni ka përmbushur një nga ëndrrat e saj dhe ka blerë një vilë të bukur në liqenin e Komos. Në rrjetet sociale ajo ka treguar disa pamje të pishinës së pafund, dhomës së ndenjes, dhomës së gjumit dhe pamjes madhështore që mund të shijohet nga dritaret e mëdha. Rezidenca ndodhet në Pognana Lario, përballë Laglio, ku prej më shumë se 20 vitesh është banesa e George Clooney.

Mobiljet me ngjyra të lehta dhe delikate, sixhade me motive fshati në një nga dhomat e gjumit, një tarracë e mrekullueshme me shtretër lulesh dhe një zonë ngrënieje dhe një pamje madhështore e liqenit krijojnë një mjedis të përsosur në të cilin mund të kalohen shumë momente për t’u shijuar me familjen.

“Liqeni i Komos, një nga vendet e mia të preferuara në tokë, vetëm një orë nga Milano. Më pëlqen të kaloj fundjavat atje… Shpresoj të blej një shtëpi pushimi atje një ditë”, shkroi Chiara Ferragni, dy vjet më parë në rrjetin social.

Vila në liqenin e Komos nuk është blerja e vetme e pronave të paluajtshme nga Chiara Ferragni. Ferragnezes së shpejti do të largohen nga apartamenti i tyre milanez për t’u zhvendosur në shtëpinë që kanë blerë në një ndërtesë të sapondërtuar, një largësi guri nga vendi ku ata jetojnë tani. Edhe aty luksi nuk mungon mes parketit me dizajne gjeometrike, dritareve të mëdha panoramike dhe një pishine të përbashkët.