Zbulohet data kur do të mbahet mbledhja e dy qeverive Shqipëri-Kosovë

Më 20 qershor Prishtina do të presë kabinetin qeveritar shqiptar për mbledhjen e radhës mes dy qeverive.

Mbledhja e fundit e përbashkët ishte më 26 nëntor të vitit që lamë pas. Ajo ishte mbledhja e parë me Albin Kurtin në krye të qeverisë së Kosovës.

Në takimin të cilin u zhvillua në Elbasan u nënshkrua disa marrëveshe ku më kryesoret ishtin unifikimi i abetares, heqja e leje qëndrimit të përkohshëm, njohja e sigurimeve shoqërore dhe për lehtësira të ndërsjella në procedurat doganore të hyrje/daljes së mallrave.

Kjo do të jetë mbledhja e 8-të e përbashkët mes dy qeverive, ku pritet të nënshkruhen edhe disa marrëveshje të rëndësishme.