Real Madrid konfirmon Perez deri në 2030

Florentino Pérez është rizgjedhur president i Real Madridit dhe do të qëndrojë në krye të klubit deri në vitin 2030.

Presidenti aktual fitoi zgjedhjet me 65 për qind të votave, duke mposhtur rivalin e tij Enrique Riquelme.

Në aspektin sportiv, Florentino Pérez ka premtuar një Real Madrid edhe më të fortë dhe konkurrues për sezonet e ardhshme.

Sipas raportimeve, José Mourinho mund të rikthehet në pankinën madrilene, me synimin për ta rikthyer ekipin në majën e futbollit spanjoll dhe europian.

Ndërkohë, merkatoja pritet të sjellë përforcime të rëndësishme, me emra si Ibrahima Konaté dhe Denzel Dumfries.

Në fokus mbetet edhe Michael Olise, i konsideruar si objektivi i madh i verës, në një operacion që mund të arrijë vlerën e 150 milionë eurove.

Gjatë presidencës së tij, Florentino Pérez ka fituar 66 trofe dhe ka transformuar infrastrukturën e klubit me ndërtimin e Ciudad Real Madrid dhe rinovimin modern të stadiumit Santiago Bernabéu, duke konsoliduar pozicionin e Real Madridit si një nga klubet më të fuqishme në botë.