Haaland “braktis” fushën e blertë për pistën e akullit para debutimit në Botëror

Erling Haaland e ndërroi fushën e futbollit me pistën e akullit, ndërsa ai dhe shokët e tij të ekipit të Norvegjisë ndoqën një ndeshje të Kupës Stanley, shkruan BBC.

Lojtarët e Kombëtares së Norvegjisë ishin në stadium për të mbështetur Carolina Hurricanes në ndeshjen e pestë të serisë play-off të NHL kundër Vegas Golden Knights të enjten.

Halaand  u filmua më vonë duke buzëqeshur me një fanellë të bardhë dhe të kuqe të Hurricanes me numrin nëntë – të njëjtin numër që ai mban si për klubin ashtu edhe për kombëtaren.

Hurricane, duke synuar kurorën e tyre të parë të Kupës Stanley pas 20 vitesh, kryesojnë Golden Knights 3-2 në serinë më të mirë nga shtatë, duke përfunduar një fitore të rregullt 4-2 në ndeshjen e pestë.

Norvegjia po luan në Kupën e Botës për herë të parë që nga viti 1998 – dhe turneun e saj të parë të madh që nga Euro 2000 – dhe tashmë ka lënë gjurmë pavarësisht se nuk do e fillojë fushatën e saj deri të martën e ardhshme.