Enrique Iglesias anullon koncertin për shkak të problemeve shëndetësore

Këngëtari Enrique Iglesias është tërhequr nga festivali Tecate Emblema në Mexico City për shkak të pneumonisë, pasi mjekët e kanë urdhëruar të marrë një pushim të menjëhershëm.

Në një deklaratë të shpërndarë në media sociale, Iglesias shprehu trishtimin e tij për anulimin e shfaqjes.

Duke iu drejtuar ndjekësve, këngëtari i Bailamos shkroi:

Të dashur fansa, do të jetë e pamundur për mua të paraqitem në shfaqjen sonte në Meksikë. Unë kam pneumoni dhe mjekët më kanë këshilluar pushim dhe më kanë ndaluar të hipja në aeroplan.

Organizatorët njoftuan se një grup artistësh, duke përfshirë Danna Paola dhe anëtarët e grupit “90’s Pop Tour”, do të merrnin përsipër koncertin në mungesë të Iglesias.