Como kualifikohet në Champions, Milani dhe Juventusi mbeten jashtë

Java e fundit e kampionatit italian ka sjellë verdikte të papritura për sa i përket zonës që të kualifikon në Champions League për edicionin e ardhshëm. Milani u mposht me rezultatin 2-1 në përballjen ndaj Cagliarit, duke mbetur jashtë kompeticionit më të rëndësishëm europian për të dytin vit radhazi.

Të njëjtin fat pësoi edhe Juventusi, që do të luajë në Europa League. Nga këto hapa të gabuar përfituan Roma dhe Como, të cilat siguruan dy biletat e fundit për në Champions League.

Verdhekuqtë arritën të mposhtnin Veronën me rezultatin 2-0, duke përmbushur objektivin e tyre sezonal.

Nga ana tjetër, Como regjistroi një sukses historik duke fituar me shifrat 4-1 ndaj Cremoneses, gjë që i garanton pjesëmarrjen në këtë kompeticion për herë të parë në historinë e klubit.