Botërori 2026, Curaçao ka rrugë të gjatë

Ekipi debutues i Curaçao, përveç kundërshtarëve në fushë, do të ketë edhe një sfidë tjetër në këtë Botëror. Përfaqësuesja e një ishulli të vogël të Karaibeve do të përshkojë më shumë kilometra se çdo ekip tjetër në këtë turne gjatë fazës së grupeve.

10.121 kilometra lëvizje do të bëjë Curaçao vajtje-ardhje nga baza stërvitore deri te stadiumet ku do të zhvillojë ndeshjet. Ekipi i drejtuar nga Dick Advocaat është vendosur në kampusin e një universiteti në Florida dhe avantazhi i vetëm është që aeroportin e ka shumë pranë.

Udhëtimet më të shkurtra do t’i ketë Meksika si vend organizator, 986 kilometra në total. Përfaqësuesja meksikane vetëm në një rast do të përdorë avionin nga México City në Guadalajara, ndërsa në 2 takime të tjera do të udhëtojë vetëm 13 kilometra me autobus.

Teleshikuesit e TV Klan nuk kanë pse të shkojnë larg për të përjetuar emocionet e Botërorit, pasi spektakli i futbollit do t’i shoqërojë në ekranet e tyre deri më 19 korrik.