Hegseth: Operacioni Liria, i përkohshëm

Sekretari amerikan i Luftës, Pete Hegseth  ka deklaruar se “projekti Liria” për të nxjerrë anijet e bllokuara jashtë Ngushticës së Hormuzit është e përkohshme.

“Për të qenë të qartë, ky operacion është i ndarë dhe i dallueshëm nga Operacioni Epic Fury. “Projekti Liria”është mbrojtës në natyrë, i fokusuar në fushëveprim dhe i përkohshëm në kohëzgjatje, me një mision: Mbrojtjen e anijeve tregtare të pafajshme nga agresioni iranian”, tha Hegseth.

“Jo, armëpushimi nuk ka mbaruar. Në fund të fundit, ky është një projekt i veçantë dhe i dallueshëm, dhe ne prisnim që të kishte disa, disa ndryshime në fillim, gjë që ndodhi. Presidenti ruan mundësinë dhe aftësitë për të rinisur operacione të mëdha luftarake nëse është e nevojshme. Nëse Irani nuk është i gatshëm të bëjë një marrëveshje, atëherë Departamenti i Luftës është i pozicionuar, i armatosur, i mbushur plot dhe gati për të filluar”, tha Hegseth.

Gjatë deklaratës për mediat, Hegseth bëri me dije se dy anije tregtare amerikane kanë kaluar nëpër ngushticë dhe gjashtë anije të tjera që u përpoqën të shkelnin bllokadën e porteve iraniane “u kthyen mbrapsht”.

Ndërkohzë, zyrtarët kanë deklaruar se Irani ka sulmuar forcat amerikane më shumë se 10 herë që kur armëpushimi hyri në fuqi.

Më herët, shefi i Shtëpisë së Bardhë, Donald Trump paralajmëroi gjithashtu forcat iraniane se do të “fshiheshin nga faqja e dheut” nëse do të përpiqeshin të synonin anijet amerikane në ngushticë ose në Gjirin Persik.