Presidenti Begaj liron nga detyra vajzën e Ismail Kadaresë, Besiana Kadare ishte ambasadore në UNESCO

Presidenti i Shqipërisë, Bajram Begaj, ka liruar nga detyra Besiana Kadarenë, vajzën e shkrimtarit Ismail Kadare.

Besiana Kadare mbante detyrën e ambasadores së Shqipërisë në UNESCO.

Besiana Kadare u emërua në këtë detyrë në Tetor të vitit 2021, duke përfaqësuar Shqipërinë në UNESCO.

Dekreti i kreut të shtetit mban firmën e datës 14 Korrik.

Dekreti i Presidentit Bajram Begaj:

PRESIDENTI

D E K R E T

PËR LIRIM AMBASADORI NGA DETYRA

Në mbështetje të nenit 92, shkronja “dh”, nenit 93 të Kushtetutës, si dhe nenit 26, pika 2 të ligjit nr. 23/2015, “Për shërbimin e jashtëm të Republikës së Shqipërisë”, me propozim të Kryeministrit,

D E K R E T O J:

Neni 1

Zonja Besiana Kadare lirohet nga detyra e Ambasadorit të Jashtëzakonshëm dhe Fuqiplotë të Republikës së Shqipërisë pranë Organizatës së Kombeve të Bashkuara për Edukimin, Shkencën dhe Kulturën (UNESCO), rezident.

Neni 2

Ky dekret hyn në fuqi menjëherë.