Mediat spanjolle rekomandojnë Shqipërinë

E përditshmja spanjolle “El Periodiko” i ka kushtuar vëmendje turizmit shqiptar në një shkrim të veçantë.

Ajo u sugjeron lexuesve të saj që përveç destinacioneve të njohura në Europë si Parisi, Londra, Berlini ose Roma ka një vend që ofron një parajsë të trashëgimisë kulturore dhe historike siç është Shqipëria me më pak shpenzime.

Ai rendit edhe 5 qytetet shqiptare më interesante. Në krye është Tirana që sipas gazetës spanjolle përzien me mjeshtëri historinë dhe modernitetin.

E njohur për diversitetin e saj kulturor dhe arkitekturën plot ngjyra, Tirana njihet për frymën e saj novatore dhe trashëgiminë e pasur kulturore, citon gazeta spanjolle.

Më pas vjen Saranda që etiketohet si një nga thesaret e Rivierës Shqiptare pa anashkaluar Butrintin.