Fasha 800 Kwh nuk do të aplikohet as në dhjetor

Fasha e energjisë elektrike 800 Kwh nuk do të aplikohet as në dhjetor. Kështu është shprehur në një intervistë për A2CNN zëvendësministri i Energjetikës Ilir Bejtja.

“Fasha do të hyjë në fuqi vetëm nëse jemi në kushte importi të thelluar. Import i thelluar është mbi 40% me çmime tejet të larta. Së shpejti, në fund të janarit, futet në punë edhe TEC-i në Vlorë, me 100 mega. Nëse vijojmë me të njëjtën situatë reshjesh, situata është mëse optimale dhe nuk kemi arsye ta aplikojmë fashën 800. Kjo fashë ka karakter edukativ. Në 1 dhjetor nuk hyn në fuqi fasha”, tha zv/ministri.