Nesër protesta e opozitës, Berisha: Do të përdorim të gjitha metodat e mosbindjes civile

Nga konferenca me gazetarët, kryedemokrati Sali Berisha është shprehur se në protestën opozitare që do të mbahet ditën e nesërme në orën 16:00, populli do të përdorë të gjitha mjetet e mosbindjes civile dhe do të shpallë moton e tij nesër.

Sali Berisha: Ju kam deklaruar se opozita është në protestë, populli opozitar është në protestë kundër kësaj qeverie. Populli opozitar do përdorë të gjitha metodat e mosbindjes civile dhe do shpallë moton e tij nesër në protestë. Sepse ne nuk mund të pajtohemi kurrë me shpërbërjën e kombit shqiptar nga konfiskimi i lirive të shqiptarëve nga një qeveri e lidhur kryekëput me krimin, drogën, vjedhjen dhe mashtrimin. Ne e kemi shumë seriozisht këtë betejë.

Gjatë fjalës së tij, kryetari i PD-së Sali Berisha ka deklaruar se protesta do të zgjasë aq sa do populli shqiptar.

Sali Berisha: Policia në interesin e saj më të mirë, të mos bëhet mercenare e Edi Ramës. Këtë i them policisë unë. Ka Kushtetutë, protestuesit janë fuqia absolute morale e vendit. Mjerë ai që i prek. Protesta do të zgjasë sa të dojë populli shqiptar. Sa t’i teket popullit opozitar. Ai është nesër sovrani i Shqipërisë.