Von der Leyen: BE 80 mln euro grante Ballkanit Perëndimor për krizën energjitike

Presidentja e Komisionit Europian, Ursula Von Der Leyen tha se Bashkimi Europian do të ndihmojë në mënyrë të drejtpërdrejt Ballkanin Perëndimor për të përballuar krizën energjetike.

Në konferencën e përbashkët me kryeministrin Edi Rama në Tiranë, Von der Leyen u shpreh se BE do të japë 80 mln euro grante për të lehtësuar kostot e çmimit të lartë të energjisë për vendet e rajonit.

“Ne kemi vendosur që e vetmja përgjigje që mund të japim është me anën e solidaritetit dhe unitetit. Me këtë gjë ne po përballemi së bashku. Ne jemi pjesë e një unioni për energjinë dhe ne po propozojmë një paketë mbështetëse për energjinë për Ballkanin Perëndimor. Të njëjtën gjë po bëjmë edhe në BE, duke përfshirë së pari mbështetje buxhetore. Do të jenë 80 mln euro në grante. Ju keni një sistem të mirë që funksionon për të ndihmuar familjet dhe bizneset”, tha Von der Leyen.