Në 7 vitet e fundit, Tirana ka 550 mijë pemë më shumë dhe 81 kënde lodrash

Në shtatë vite në Tiranë janë mbjellë 550 mijë pemë të reja. Në një postim në rrjete sociale, Kryetari i Bashkisë së Tiranës Erion Veliaj uron 7-vjetorin e krijimit të Agjencisë së Parqeve, e cila është kujdesur jo vetëm për rritjen e gjelbërimit në kryeqytet, por dhe për këndet e lodrave.

“Gëzuar ditëlindjen Agjencia e Parqeve!

Në këto 7 VITE kemi 550 mijë pemë më shumë, 81 kënde lodrash dhe ambiente sportive e jo vetëm. BRAVO! – Ecim para, për punë edhe më të bukura”, shkruan Veliaj. Bashkia e Tiranës synon që deri në vitin 2030, në kryeqytet të mbillen 2 milionë pemë të reja.