Konferencë për shtyp në Tiranë! Rita Ora i shmanget përgjigjes për një martesë të fshehtë por thotë se është e lumtur!

Gjate nje konference per shtyp paraditen e sotme,para koncertit ne sheshin “Skënderbej” Rita Ora iu përgjigj disa pyetjeve mbi jeten dhe karrierën.

Këngëtarja  fillimisht u shpreh se ndihet e privilegjuar që do të performoj para publikut shqiptar, ndërsa edhe ka zbuluar planet për albumin e ri dhe synimet e saj për një karrierë në film.

“Po punoj për  albumin e ri, do  të publikoj diçka në fillim të vitit  tjetër. “I dua filmat, do të doja të shprehja kreativitetin tim përmes tyre.

E shoh vetën si një artiste  360 gradë, dua që njerëzit të besojnë që mund të bëj  më shumë se një gjë, unë e dua muzikën, gjithmonë do ta dua, por mendoj se kapitulli im i ardhshëm është filmi”.

Rita eshte  pyetur për jetën e saj private, pas lajmeve  se këngëtarja  është martuar në fshehtësi dhe privatësi të plotë me partnerin e saj, regjisorin Taika Waititi.

Duke shmangur konfirmimin e martesës, artistja u shpreh se është e lumtur dhe kjo është e gjitha çfarë mund  të tregojë aktualisht.

“Nuk mund të tregoj asgjë per momentin, por jam shumë e lumtur vetëm kaq mund të them për këtë”, tha Rita.