“Uber” robotët si shpërndarës ushqimi. E ardhmja e porosive në shtëpi

“Uber” është kompania më e fundit që po provon të shpërndajë ushqim në shtëpitë e njerëzve – me robotë.

Kompania, e cila ka pretenduar prej kohësh se automatizimi është çelësi për përfitimin e saj në të ardhmen, po prezanton dy programe testimi, duke përfshirë robotë me katër rrota që ecin në trotuare për udhëtime të shkurtra, si dhe makina vetë-drejtuese për distanca më të gjata.

Klientëve të “Uber Eats” do t’u jepet mundësia që ushqimet e tyre t’i pranojnë nga një prej robotëve, në vend të një shpërndarjeje tradicionale njerëzore.

Klientët do të marrin udhëzime në aplikacionin “Uber” se si të marrin ushqimin e tyre nga brenda robotit.Sidoqoftë, fillimisht dërgesat e robotëve të “Uber” do të përbëjnë “një numër shumë, shumë të vogël  dërgesash për testet fillestare”.