Bombardimi i maternitetit në Ukrainë: Rusia akuzon blogeren për aktrim, ajo sjell në jetë një vajzë

Një blogere shtatzënë ukrainase, e cila thuhet se ka lindur mbrëmjen e kaluar, është vënë në shënjestër të qeverisë ruse pasi akuzohet se është përdorur si imazh(aktore) nga Ukraina. Para pak ditësh forcat ruse bombarduan një maternitet në Mariupol, duke pretenduar se objekti ishte lënë bosh dhe ishte pushtuar nga forcat e ekstremit të djathtë. Por ky pretendimi u kundërshtua ashpër nga zyrtarët ukrainas të cilët thanë se aty kishte gra shtatzëna dhe fëmijë të porsalindur.

Por zyrtarët rusë shkuan një hap më tej, duke pretenduar se fotoja e një grua shtatzënë të plagosur rëndë dhe gjakderdhje nga një plagë në kokë ishte e rreme. Por ky pretendim u hodh poshtë nga autoritetet ukrainase të cilat treguan se gruaja në foto është blogeria e njohur ukrainase Marianna Podgurskaya. Kjo e fundit në llogarinë e saj në Instagram ka postuar foto teksa ishte shtatzënë dhe foto të punës së saj si modele. Sipas gazetarëve në Ukrainë ajo dje ka lindur një vajzë dhe fatmirësisht të dyja ndihen mirë. Por ato janë në Mariupol, në një shtëpi pa ngrohje, nën bombardimet e pandërprera.