Kuvendi voton zgjatjen e afatit për organet e Vettingut

Kuvendi ka votuar me 118 vota pro ndryshimin e kushtetutës për zgjatjen e mandatit të organeve të vetingut.

Projektligji nuk ka marrë asnjë votë kundër, ndërsa 4 vota kanë qenë abstenim 4.

Partia Demokratike vendosi të votojë pro shtyrjes së afateve për organet e vetingut duke marrë në këmbim plotësimin e dy kushteve kryesore të saj, kryerjen e reformës territoriale dhe kryerjen e reformës zgjedhore. Vendimi u morr sot në mbledhjen e Grupit Parlamentar të PD-së.

Ish-kryeministri Sali Berisha e quajti procesin për zgjatjen e afateve të organeve të vetingut, një projekt gjigant korruptiv. Para Kuvendit, ai deklaroi se është kundër këtij amendamenti.

Ndërkohë, kryetarja e LSI Monika Kryemadhi deklaroi votën abstenuese për vete dhe deputetët e LSI lidhur me zgjatjen e mandatit të organeve të vetingut, përveç deputetit Agron Çela që kishte votuar pro.