Trump paralajmëroi 25% taksë për këdo që bën biznes me Iranin, Pekini: Do marrim masat e duhura për t’u mbrojtur

13/01/2026

Kina thotë se do të marrë të gjitha masat e nevojshme për të mbrojtur të drejtat dhe interesat e saj legjitime. Kjo vjen pasi Donald Trump njoftoi një tarifë kundër atyre që bëjnë biznes me Iranin.

Trump njoftoi se tarifa prej 25% hyn “në fuqi menjëherë”, si pjesë e përgjigjes së tij ndaj shtypjes së protestave antiqeveritare të Iranit. Kina është partneri më i madh tregtar i Iranit.

Në një postim në X, një zëdhënës i ambasadës kineze në Uashington thotë: “Qëndrimi i Kinës kundër vendosjes pa dallim të tarifave është konsistent dhe i qartë.

“Luftërat tarifore dhe luftërat tregtare nuk kanë fitues, dhe shtrëngimi e presioni nuk mund t’i zgjidhin problemet. Proteksionizmi dëmton interesat e të gjitha palëve”, shkroi ai.

Written by: Sasha Ndreka