Nga 30 dhjetori, zhvendosen disa zyra të IdentiTek në Tiranë

Ministria e Brendshme njofton se nga 30 dhjetori disa zyra të aplikimit për dokumente biometrike në Tiranë do të zhvendosen, për t’i afruar shërbimet më pranë qytetarëve.

Zyra IdentiTek 5, aktualisht në Rrugën “Robert Shvarc” në zonën e Komunës së Parisit, do të zhvendoset pranë Njësisë Administrative nr. 5, në zonën e Bllokut.

Zyra IdentiTek 8 dhe 9, aktualisht në Rrugën e Barrikadave, do të ndahet në dy vendndodhje:

-IdentiTek 8 pranë Njësisë Administrative Nr. 8, në Rrugën e Dibrës

-IdentiTek 9 pranë Njësisë Administrative Nr. 9, në Bulevardin “Zogu I”

Qytetarët që kanë aplikuar për dokumente pranë zyrave IdentiTek 8 & 9 deri më sot, do të mund t’i tërheqin ato pranë Njësisë Administrative nr. 8.