Në ankand piktura e rrallë e Michelangelo

Një pikturë që paraqet një këmbë të djathtë nga Michelangelo pritet të shitet për miliona dollarë në ankandin e Christie’s.

“Kjo është një vepër nga një prej artistëve më të rëndësishëm të të gjitha kohërave, dhe ka vlerë të madhe pasi lidhet me veprën e tij më të rëndësishme dhe të famshme, dekorimin e tavanit të Kapelës Sistine në Vatikan”, tha Giada Damen, specialiste në Christie’s.

Vepra u identifikua vitin e kaluar nga ekspertja Giada Damen, pasi u paraqit përmes faqes së internetit të shtëpisë së ankandeve.

“Ishte vërtet emocionuese. Vizatimet e asaj kohe nuk janë shumë të zakonshme, por veçanërisht ato të Michelangelo-s janë jashtëzakonisht të rralla”, tha ajo.

Christie’s e ka vlerësuar pikturën nga 1.5 deri në 2 milionë dollarë.