EURO U-21/ Formacionet zyrtare Finland-Shqipëri, kuqezinjtë duan të ruajnë kreun

Përfaqësuesja Shpresa luan sot një ndeshje në transfertë ndaj bashkëmoshatarëve të Finlandës, të vlefshme për kualifikueset e Europianit të kësaj grupmoshe. Ekipi i drejtuar nga Alban Bushi ka fituar dy ndeshjet e para dhe në rast të një rezultati pozitiv edhe sot, do të hidhet një hap shumë të rëndësishëm drejt vazhdimësisë.

Bushi ka ruajtur pjesën më të madhe të grupit të lojtarëve, duke bërë pak lëvizje në rreshtim në krahasim me ndeshjet e kaluara. Si gjithmonë në majë të sulmit është futbollisti i Empolit, Stiven Shpendi me një katërshe me orientim sulmues që e mbështet: Rexhepi, Kurtulan, Pajaziti dhe Berisha.