play_arrow

keyboard_arrow_right

Listeners:

Top listeners:

skip_previous play_arrow skip_next
00:00 00:00
playlist_play chevron_left
volume_up
chevron_left
  • cover play_arrow

    LIVE CLUB FM SHQIPËRI

  • cover play_arrow

    LIVE CLUB FM KOSOVË KOSOVË

  • cover play_arrow

    LIVE RADIO SHQIP DËGJO SHQIP

Politikë

“Emision i neveritshëm”, Rama intervistë në “Corriere” për dokumentarin e “RAI 3”: Ndërhyra për të mbrojtur vendin tim nga paragjykimet

today26/04/2024

Background
share close

Kryeministri Edi Rama nuk ndryshon mendim për etiketimin “Emision i nveritshëm” të bërë si formë proteste ndaj reportazhit të Report për RAI-in mbi paktin e arritur mes Shqipërisë dhe Italisë për emigrantët.

Në një intervistë të gjatë për Corriere della Serën, kryeministri shqiptar nuk jep asnjë shenjë zbrapsje nga qëndrimi i tij, i bindur deri në fund, se pakënaqësia e gazetarëve të medias publike italiane me shefen e ekzekutivit të tyre, Giorgia Meloni, bëri “kokë turku” edhe Shqipërinë.

“Për fat të keq, unë atë fjalë nuk mund ta fshij. As vetë inteligjena artificiale nuk gjen dot një fjalë tjetër e cila ta përshkruajë më mirë atë episod. Dua të sqaroj megjithatë se nuk kam protestuar”, thotë kreu i ekzekutivit.

“I komunikova shërbimit publik një fakt shumë të rëndë, për të cilin në të kundërt nuk do të ishte informuar”.

Intervista e plotë:

Pyetje: A ju duket e drejtë dhe normale që kryeministri i një vendi tjetër, sado miqësor, të bëjë presion ndaj televizionit shtetëror? Partitë që kundërshtojnë qeverinë Meloni e quajnë këtë një skandal.

Rama: Përpara se të merren me natyrën e fjalës sime dhe të flasin për skandale, miqtë e mi të dashur të opozitës italiane duhet të interesohen për shkaqet dhe të përpiqen të kuptojnë se dinjiteti dhe transparenca janë të rëndësishme si kur flitet për shërbimin publik italian,ashtu edhe kur bëhet fjalë për institucionet publike shqiptare dhe njerëzit që i përfaqësojnë ato. Unë nuk kam as mjetet dhe as qëllimin të imponoj diçka në punët e brendshme të vendit tuaj. Por kam ndërkohë detyrën të mbroj vendin tim nga stereotipi i tmerrshëm i një epoke tjetër, i krijuar nga mediat në Itali për Shqipërinë dhe shqiptarët”.

Pyetje: A nuk është e vërtetë se puna në qendrat e paraburgimit të emigrantëve është shumë prapa me planin? Dhe se shpenzimet 650 milionë euro që priten në pesë vjet, janë fryrë në një miliard?

Rama: Po cfarë lidhje kanë me ne polemikat tuaja të brendshme lidhur me flukset, kostot, kontratat e kështu me radhë? Asgjë. Dhe çfarë lidhje ka fakti që sekretari i përgjithshëm i qeverisë shqiptare ishte avokat penal në Itali më shumë se dhjetë vjet më parë me paktin për emigrantët? Dhe për çfarë arsyeje të pakuptueshme duheshin thënë gënjeshtra dhe të eksportoheshin shpifje nga Shqipëria në Itali, për t’u hedhur në sytë e publikut të Reportit si ato gurët që i leshoheshin shtrigave?

Pyetje: Ish-avokati i krimit Enjell Agaci, i cili dikur mbronte mafiozët dhe trafikantët shqiptarë të drogës dhe që sot është sekretar i përgjithshëm i qeverisë së tij, është njeriu kyç i protokollit apo jo?

Rama: Kundër Agacit, ka pasur një furi joracionale. Përtej dëmit, edhe tallja. Pasi censuruan pyetje-përgjigjet e kërkuara nga programi ndaj Sekretari të Përgjithshëm dhe të cilave ai pranoi që tu përgjigjej… pasi ai u përgjigj me email, ata vazhduan ta akuzonin se nuk kishte pranuar të përgjigjej. Ishte një gabim i rëndë për t’u gëlltitur në heshtje.”

Pyetje: Një formë kompensimi ishte arsyeja përse i kërkuat drejtuesit të Report, Sigfrido Ranucci, mundësinë që të përgjigjeshit me një intervistë live?

Rama: “Nuk kam kërkuar asnjë dëmshpërblim. Të enjten shkëmbeva një mesazh miqësor me drejtuesin Ranucci, pasi publikova në ‘X’ reagimin tim ndaj një ndërhyrjeje të tij në një television shqiptar. Ndoshta do t`ia arrijmë më në fund t`i japim vlerë arsyeve tona në programin e tij, pa u censuruar”.

Pyetje: Meqë ra fjala, çfarë mendoni për censurën e Scuratit nga Rai?

Rama: “Nuk i di detajet e çështjes”.

Pyetje: Megjithatë, duhet të dini detajet e marrëveshjes për dëbimin e emigrantëve të nënshkruar me Melonin. Do të kushtojë shumë para dhe nuk do të zgjidhë asgjë? Edhe ju vetë, kryeministër e keni pranuar se keni dyshime…

Rama: “Nëse nuk ke dyshime duke u përpjekur të hapësh faqe të reja të çfarëdo lloji, atëherë jeton një hap larg dështimit, kaq”.

Pyetje: Opozita akuzon Melonin se hedh sytë nga modeli Orban për çështjen e të drejtave civile dhe lirisë së informacionit dhe shtypit. Gabojnë ata, apo ka vërtet diçka për t’u shqetësuar?

Rama: “Si mund ta them unë se kush ka të drejtë dhe kush e ka gabim, nëse duke ndërhyrë civilisht për një çështje shumë serioze të censurës dhe dezinformimit të lirë që prek Shqipërinë, u gjenda në mes të stuhisë italiane, ku lufta politike nuk merr të burgosur?”

Pyetje: Ju siguruat se nuk e telefonuat miken tuaj kryeministren përpara se të merrnit drejtor Corsinin. Po më pas, folët e Melonin? Dhe cfarë i thatë njëri-tjetrit?

Rama: “Nuk kam folur me Giorgia Melonin, sepse e imja është një betejë për të vërtetën dhe dinjitetin e Shqipërisë dhe të shqiptarëve. Kryeministrja juaj nuk ka asnjë lidhje me të, edhe pse vendi im u tërhoq në këtë valle si një objektiv kolateral i sulmit kundër qeverisë së saj.”

Written by: Sasha Ndreka

Rate it

Post comments (0)

Leave a reply

Your email address will not be published. Required fields are marked *