Champions League/ Arsenal-Bayern dhe Atletico-Inter premtojnë spektakël

Të mërkurën, 26 nëntor, do të luhen nëntë ndeshjet e fundit, për raundin e pestë në Ligën e Kampioneve.

Padyshim dueli mes Arsenalit dhe Bayern Munich është si finale e vërtetë. Dy ekipet po kalojnë një moment të artë dhe kërkojnë fitoren.

Ndeshja shumë e bukur pritet të jetë edhe ajo mes Atletico Madrid dhe Interit në Spanjë. Dy ekipet, njihen për lojën e mbyllur dhe nuk priten shumë gola.

Duelet mes dy ekipeve kanë qenë shumë të luftuara dhe e njëjta situatë pritet edhe këtë herë.

Përballje interesante është edhe ajo mes francezëve të PSG-së dhe anglezëve të Tottenham në Paris.

Real Madrid luan në transfertën greke ndaj Olympiacos, ndërsa Liverpool pret PSV-në. Atalanta luan në transfertë ndaj Eintracht Frankfurt. Këto takime do të luhen në orën 20:45, ndërsa më herët Monaco sfidon Pafos, ndërsa dueli tjetër është Copenhagen-Kairat Almaty.