Ligat Europiane kërkojnë reforma në FIFA

Katër nga ligat më të mëdha të Europës kërkojnë ndryshime në mënyrën se si drejtohet FIFA.

Premier League, Bundesliga, La Liga dhe Serie A kanë firmosur një deklaratë të përbashkët, ku kërkojnë më shumë transparencë dhe kontroll në drejtimin e futbollit botëror.

Sipas tyre, shumë vendime të rëndësishme merren pa përfshirjen e mjaftueshme të ligave, klubeve dhe futbollistëve.

Për këtë çështje, në tetor të vitit 2024, ato iu drejtuan edhe Komisionit Europian.

Katër ligat kërkojnë krijimin e një organi të përhershëm ku të përfaqësohen federatat, ligat, klubet dhe futbollistët, si në futbollin e meshkujve, ashtu edhe në atë të femrave.

Kërkesat e tyre janë per më shumë përfshirje në vendimmarrje, analiza të pavarura përpara vendimeve të rëndësishme dhe një ndarje më të qartë mes rolit rregullator dhe atij tregtar të FIFA-s.

Ligat kërkojnë gjithashtu më shumë pavarësi për organet që kontrollojnë etikën dhe financat.

Mesazhi për drejtuesit e ardhshëm të FIFA-s është i qartë, brenda 100 ditëve të para të mandatit të ri të nisë një proces për reformimin e mënyrës se si drejtohet organizata.

Synimi është një FIFA më transparente dhe me më shumë përfshirje të aktorëve të futbollit.