Lot gëzimi pas surprizës! Shkolla do të mbajë emrin e sanitares, që shërbeu për 39 vite në institucion

Një histori e veçantë mirënjohjeje vjen nga Teksasi në SHBA, ku një grua që punoi për 39 vite si sanitare në një shkollë fillore do të nderohet në një mënyrë të pazakontë. Shkolla e re që pritet të hapet në gusht të vitit të ardhshëm do të mbajë emrin e saj, Marilyn Hampton, si vlerësim për përkushtimin dhe ndihmën që u ka dhënë ndër vite mijëra nxënësve.

Për të vlerësuar kontributin e saj, drejtuesit e distriktit vendosën t’i organizonin një surprizë gjatë mbledhjes së bordit drejtues më 21 tetor. Hampton u ftua me pretendimin se do të diskutohej një çështje që lidhej me shkollën, por në fakt e priste një lajm që nuk e kishte imagjinuar.

“Ende nuk mund ta besoj. Nuk kam pushuar së qari”, u shpreh Hampton për televizionin amerikan UFAA.