Dështon edhe Pirlo, kaos tek Italia. Kandidatët për stolin

Pas dështimit për të emëruar Andrea Pirlon, Federata Italiane është rikthyer në kërkim të një trajneri të ri për kombëtaren.

Situata është bërë më e ndërlikuar edhe për shkak të së ardhmes së Paolo Maldinit dhe Leonardos, të cilët kishin mbështetur kandidaturën e Pirlos. Të dy mund të largohen, vetëm pak javë pas emërimit.

Ndërkohë, Antonio Conte vazhdon të jetë një alternativë e rëndësishme dhe gëzon mbështetjen e disa presidentëve të klubeve të Serisë A, edhe pse më herët kishte deklaruar se nuk ishte kontaktuar. Në listën e emrave përmenden edhe Stefano Pioli dhe Raffaele Palladino.

Një tjetër alternativë është edhe Silvio Baldini, i cili drejtoi Italinë në miqësoret ndaj Luksemburgut dhe Greqisë, ndërsa pritet të jetë edhe trajner i Italisë U-21.