Barcelona nis merkaton, priten afrime të mëdha

Barcelona ka mbyllur marrëveshjen për transferimin e Anthony Gordon nga Newcastle për 80 milionë euro, duke nisur fuqishëm merkaton e verës.

Joan Laporta, Deco dhe Hansi Flick po planifikojnë edhe afrime të tjera të rëndësishme për sezonin e ardhshëm. Klubi katalanas pritet të rikthehet te rregulli financiar “1:1”, që i lejon të investojë të gjitha të ardhurat nga shitjet dhe kursimet në merkato.

Rikthimi në “Camp Nou” pritet të sjellë rreth 350 milionë euro të ardhura gjatë sezonit 2026-2027, ndërsa shitja e “VIP Boxes” mund të sjellë edhe 75 milionë euro të tjera.

Në listën e objektivave janë emra si Julian Alvarez, Harry Kane dhe Bernardo Silva, ndërsa Flick kërkon përforcime edhe në mbrojtje.