Arrihet akordi, Gattuso rikthehet të drejtojë në Serie A

Gennaro Gattuso është gati të rikthehet në pankinë pas largimit nga drejtimi i Italisë, vendim që erdhi pas dështimit për t’u kualifikuar në Botëror.

Sipas raportimeve nga Italia, tekniku ka arritur marrëveshjen për të marrë drejtimin e Lazios, ku pritet vetëm hedhja e firmave mbi kontratë.

Vetëm pas këtij hapi, presidenti Claudio Lotito do të mund të publikojë emërimin e trajnerit të ri. Kjo lëvizje shënon rikthimin e Gattusos në Seria A, pas përvojave të tij të mëparshme në drejtimin e Milanit dhe Napolit.

Me këtë akord, zyrtarizohet edhe fillimi i lëvizjeve të shumta të trajnerëve në elitën e futbollit italian për sezonin e ri.