Përplasja në fushë, Juventusi dënon Vlahovic dhe Locatellin

Nuk ka qetësi te Juventusi në këtë fund kampionati. Klubi ka ndërmarrë masa disiplinore ndaj futbollistëve Dusan Vlahovic dhe Manuel Locatelli pas një përplasje mes tyre gjatë ndeshjes së fundit kundër Fiorentinës.

Incidenti, i cili u vu re nga spektatorët në stadium dhe u shpërnda gjerësisht në rrjetet sociale, ka sjellë gjobitjen e dy lojtarëve me shuma të konsiderueshme financiare.

“Zonja e Vjetër” po kalon një moment delikat në garën për një vend në Ligën e Kampionëve, ku renditja e saj tashmë varet edhe nga rezultatet e rivalëve të tillë si Milani, Roma dhe Como.

Masat e marra synojnë të kthejnë qetësinë dhe përqendrimin në grup për javët e mbetura të kampionatit.