Flamurtari kampion në basketboll për femra

Flamurtari u shpall kampion në basketbollin për femra pasi fitoi edhe finalen e tretë ndaj Partizanit 76-55 duke e mbyllur serinë me rezultatin e përgjithshëm 3-0.

Skuadra vlonjate siguron kështu titullin e 27-të në histori, të dytin radhazi, ndërsa në gjashtë vitet e fundit ka fituar pesë tituj kampionë.

Pas dy fitoreve të para, Flamurtari tregoi supremaci edhe në ndeshjen e tretë finale të zhvilluar në Vlorë, i mbështetur edhe nga atmosfera e tifozëve në pallatin e sportit.

Ky ka qenë një sezon i jashtëzakonshëm për Flamurtarin e femrave në Basketboll pasi përveç kampionatit ka fituar Kupën dhe Superkupën duke bërë tripletë trofesh.