Nisin sot aplikimet për zgjedhjen e programeve universitare, afati përfundon më 3 gusht

Maturantët shqiptarë kanë nisur sot procesin e aplikimit për përzgjedhjen e programeve të studimit në arsimin e lartë. Sipas njoftimit të bërë nga kryeministri Edi Rama, sistemi do të qëndrojë i hapur deri më 3 gusht, duke u dhënë mundësinë të rinjve të zgjedhin deri në 10 degë në universitetet publike dhe private në vend.

“Hapen sot aplikimet për përzgjedhjen e programeve të studimit në universitete. Sistemi do të jetë i hapur deri më 3 gusht, për t’iu dhënë mundësi të gjithë maturantëve për përzgjedhjen deri në 10 programe studimi në universitetet shqiptare”, ka shkruar kryeministri Edi Rama.