Arqile Bollano, kreu i ri i Bashkisë së Himarë/ U zgjodh me 12 votat e mazhorancës, opozita bojkotoi

Ka përfunduar mbledhja e Këshillit Bashkiak zhvilluar këtë të premte për zgjedhjen e kreut të bashkisë së Himarës. Në përfundim të mbledhjes, Arqile Bollano është zgjedhur kryetari i ri i komanduar i Himarës.

Bollano është zgjedhur me 12 votat e mazhorancës, ndërsa opozita ka bojkotuar këtë mbledhje.

Megjithatë kjo mbledhje u shoqërua me debate dhe diskutime. Ishte kreu i këshillit Bashkiak, Dhimitër Kapaj i cili theksoi se shprehur se është shumë e rëndësishme për Himarën zgjedhja e një kryetari dhe se Bashkia nuk mund të vazhdojë pa një kryetar.

Kujtojmë se kjo mbledhje vjen pas largimit së Blerina Balës nga ky post, e cila pak ditë më parë ka depozituar dorëheqjen pranë Këshillit Bashkiak nga drejtimi i bashkisë së Himarës.

Blerina Bala u zgjodh kryetare e komanduar për Himarën nga Këshilli Bashkiak ne 29 mars pasi dy kryetarët, ai në detyrë Jorgo Goro dhe i zgjedhuri Fedi Beleri përfunduan pas hekurave.