Video/ Në festën e fitores së Galatasarayt, Milot Rashicën e përshëndesin me këngë shqip

Futbollisti nga Kosova Milot Rashica është përshëndetur me këngën shqip të Shkurte Fejzës, dedikuar Kosovës.

Galatasaray fitoi ndeshjen e fundit kundër Fenerbahces, duke u shpallur kampion i ligës turke.

Me flamujt e Shqipërisë dhe të Kosovës në qafë, si dhe me këngën e famshme të Shkurte Fejzës, sulmuesi shqiptar i Galatasarayt, Milot Rashica, iu bashkua festës së ekipit.

Me vete kishte edhe dy djemtë që i qëndruan krah teksa hynte në stadium.

Në 26 ndeshje, Rashica ka shënuar 4 gola për ekipin.