Artisti argjentinas që pikturon mbi kartëmonedha

Një artist në Argjentinë ka gjetur një mënyrë të re për të rritur vlerën e monedhës vendase të shkatërruar nga inflacioni, duke pikturuar mbi të yllin e futbollit Lionel Messi

Artisti Sergio Guillermo Diaz ka zëvendësuar kanavacën tradicionale me  monedhën vendase  pesos.

“Kur fillova të pikturoja kartëmonedha, njerëzit më thoshin: Çfarë, por këto  janë para, si mund t’i pikturosh paratë? Në ditët e sotme ndonjëherë është më mirë për mua të pikturoj në kartëmonedhën me vlerën më  të madhe këtu në Argjentinë. Unë pikturoj mbi të dhe mund ta shes atë për shumë më tepër se sa mund të shpenzoja me atë kartëmonedhë.”

Përveç Messit, Diaz ka përjetësuar edhe figura të njohura si prezantuesin amerikan Bod Ross dhe madje edhe Greta Thunberg.

Sipas Diaz, arti i tij pasqyron gjithashtu situatën e vështirë ekonomike në të cilën gjendet Argjentina. Vendi po përjeton një krize financiare ku  40% e popullsisë argjentinase po përballet me varfërinë.