Kozmologia shqiptare: Një muaj para vdekjes, Stephen Hawking do të vinte në Shqipëri!

Në një intervistë për The Guardian Laura Mersini-Houghton, kozmologia shqiptare shpjegon sesi puna e saj në teorinë e multiverseve ndikoi tek Stephen Hawking.

Ajo ndan një sekret, teksa tregon se ajo dhe Haëking po organizonin një konferencë në Shqipëri, por fati nuk ishte në anën e tyre. Gjeniu u sëmur rëndë dhe në spital e lutën të mos i tregonte që udhëtimi ishte anulluar sepse ai mezi po e priste. Për fat të keq ai nuk a doli dhe kjo ngeli vetëm një ëndërr.

“Unë nuk jam kthyer për shumë kohë, sepse familja ime u zhvendos në Toronto dhe babai im vdiq dhe nuk kam mbetur njeri atje. Unë do t’ju tregoj një sekret. Unë dhe Stephen Hawking po organizonim një konferencë në Shqipëri. Ai ishte shumë i emocionuar për këtë, dhe gjithçka ishte në vend, por ai vdiq një muaj para se të ndodhte. E telefonoja çdo javë për të kontrolluar shëndetin e tij dhe pasi vendosëm ta anulonim [sepse Hawking nuk ishte mirë], më kujtohet kryeinfermierja e tij duke thënë: “Çfarëdo që të bësh, mos i thuaj se e ke anuluar konferencën në Shqipëri, sepse ai po e pret me padurim.” Kështu që nuk i thashë kurrë.”, u shpreh ajo