Mbi 33 mijë maturantë testohen sot për gjuhën e huaj!

Maturantët në vend zhvillojnë sot testin e parë. Janë mbi 33 maturantë që testohen sot për lëndën e gjuhës së huaj.

Ky është i pari nga katër provimet ku do të testohen nxënësit që mbyllin arsimin e mesëm. Gjithsej do të jenë 167 qendra testimi dhe 7 mijë mësues administrues.

Gjithsej janë 60 pyetje për t’u plotësuar. Për të kaluar provimin një nxënës duhet të marrë minimumi 25 % të pikëve. 40% e pikëve të testit do të jenë nivel i parë, 40% niveli i dytë dhe 20% nivel më i vështirë.

Provimi i gjuhës shqipe dhe letërsisë do të zhvillohet më 11 qershor, provimi i matematikës do të zhvillohet më 17 qershor dhe ai i lëndës me zgjedhje më 24 qershor. Provimet nisin në orën 10:00 të mëngjesit dhe zgjasin dy orë e 30 minuta