Ndërkombëtarizimi i universiteteve, Kushi takon Santos dhe Schieder: Kemi mbështetjen e PE

Ministrja e Arsimit, Evis Kushi ka zhvilluar një takim me raportuesen e Parlamentit Evropian për Shqipërinë Isabel Santos dhe eurodeputetin Andreas Schieder ku kanë diskutuar lidhur me ecurinë e reformave të ndërmarra në fushën e arsimit dhe sportit.

Kushi bëri me dije gjithashtu se në lidhje me ndërkombëtarizimin e universiteteve, është siguruar nga Santos dhe Schieder se do të ketë mbështetjen e PE.

“Gjatë takimit me Raportuesen e Parlamentit Evropian për Shqipërinë, znj. Isabel Santos, dhe eurodeputetin z.Andreas Schieder diskutuam rreth ecurisë së reformave të ndërmarra nga ana e #MAS në fushën e arsimit dhe sportit në përputhje me rekomandimet e vendosura nga Komisioni Evropian. Gjithashtu, folëm rreth sfidave të shumta që ka sigurimi i arsimit cilësor dhe ndërkombëtarizimi i universiteteve, për të cilat më siguroi që do të kemi mbështetjen e pakursyer të Parlamentit Evropian.”, shkruan Kushi në rrjetin social Facebook.