UEFA inspekton punimet në stadiumin e Partizanit

Stadiumi i Partizanit “Arena e Demave” u inspektua këtë të premte nga UEFA.

Një delegacion i institucionit më të lartë të futbollit europian ka vëzhguar nga afër punimet që kanë nisur prej kohësh në një prej stadiumeve që së bashku me Loro Boriçin, Elbasan Arenan dhe “Air Albanian” do të mirëpresin ndeshjet e kampionatit Europian të 21-vjeçarëve, ku Shqipëria është vend bashkëorganizator me Serbinë.

Arena e Demave do të pajiset me bar hibrid dhe me një fushë stërvitore, falë mbështetjes së Federatës shqiptare të futbollit.

Ndryshime në tapetin e fushës së lojës ka pasur edhe në stadiumin “Air Albania”, që po bëhet gati për të pritur ndeshjet e Ligës së Kombeve.

Kampionati Europian i 21-vjeçarëve do të zhvillohet nga datat 17 qershor deri më 4 korrik.